ЖАҢАЛЫҚТАР

Қазақтың көрнекті жазушысы, драматург, публицист, қазақ әдебиетін қалыптастырушылардың бірі Жүсіпбек Аймауытовтың туғанына 135 жыл толып отыр. Естеріңізге салсақ, театрымызға 1992 жылы 21 сәуірде Ж.Аймауытов есімі берілсе, 2014 жылы театр алдына Ж.Аймауытовқа арналған ескерткіш қойылды. Жүсіпбек Аймауытовтың әр туындысы патриоттық сезім, күрескерлік рухқа толы. Өйткені ол - поэзия, проза, драматургия, публицистика, сын жанрларында жаза отырып, қазақтың қамы мен қасіретін астарлап жеткізе білген қаламгер. Сонымен қатар, Ж.Аймауытов - қазақ әдебиетінде Абайдың шығармашылық мұраттарын ілгері жалғастырған ең ірі тұлғалардың бірі.